Gestern Samstag ist kurz vor 13.30 Uhr ein 19-jähriger an der Bushaltestelle Signalstrasse von einem unbekannten, älteren Mann offensichtlich grundlos mit einem Faustschlag traktiert worden. Dabei wurd der Angegriffene leicht verletzt.
Die Polzei sucht einen älteren, 175 bis 185 cm grossen Mann mit grau-weissen, längeren Haaren. Personen, die Angaben zum gesuchten Mann oder zum Vorfall machen können, werden gebten, sich mit der Polizeitstation Rorschach (Telefon 071 844 30 44) in Verbindug zu setzen.
Sonntag, 6. März 2011
Cliquenfasnacht 2011: Oh.Müller
"Rorschach isch e Stadt für Pfuser
und mer Junge sind do d'Looser
Am Hafe chasch no umebänge
bim Coop chli hänge, Zit verdränge
Mer händ kein Platz zum üs versammle
müend dauernd hardcore umegammle
Jo, s'sch würkli echt zum Chotze
und die Alte tüend weg dem no motze.
Yo, hey Mann, yo, yoh!
Rorschach isch e Stadt zum Pfuuse
wo sölled mer ane, zum Chille, zum Schmuse?
Musig lose, Party mache, s'muess chrache
85 Dezibel - das isch eifach zum Lache!
De Same Räb seit jetz isch gnue
jetzt tuet er au no s'MB zue!
Kein Club, kein Schuppe, kei Lokal
doch em Stadtrot isch das alls egal!!
Yo, hey Mann, yo, yoh!
Rorschach isch kei Stadt, gang use!
s'macht mer richtig Ohresuese.
Echi Jazz und Chlaudizug
s'isch doch alles Luug und Trug.
Würth und Stadtwald, Fäginescht
ihr sind alli doch vo Gescht.
Au s'Engles cha kei Lungi locke
da haut nur d'Grufties us de Socke.
Yo, hey Mann, yo, yoh!
Hey, Oh.Müller, alte Makker,
bisch denn du es Hosekacker?
Hilf üs Junge, macht die uf!
Und Dir, Oh.Fuchs, fählt Dir da Schnuuf?
Oh.Ronnie, du als Schmerzchopf-Punker,
spann die vor de abgfuckt Tanker.
And you, Oh.Etterlin you Jesus,
zeig dass d'jung bisch, chom bewieses!
Und denn Du Oh.Deubelbeiss,
lupf din Arsch, doch mach kein Scheiss.
Yoh, hey yoh! I goh!"
Cliquenfasnacht 2011: C. Bleichi
"I chum grad vom Marktplatz. Döt hätt's ä paar sauglatti Siechi gha. Die hend irgendöppis gschnored vo Vertraue, Sicherheit und Schwizer Werte und hend denn Lampiön verteilt. I bi zwor nöd druss cho, was die Lampiön do mit Sicherheit söll z'tue ha. Aber i ha denn gliech eine gno. I ha denkt, vielleicht treffi jo no en Bergler.
Gell, liebi Rorschacherbergler, i ha mis Programm extra kürzt, damit ihr denn no hei chömed, bevor d'Strooselampe lösched. Gell, im Berg lösched d'Strooslampe jetzt neu schon am zwölfi. Also, wenn ihr schpöter unterwegs sind, wöri i noh bim Marktplatz vebii. Döt chön die Ruef-Taxi-Erprobte vom obere Berg ä sone Ruef-Strooslampe go hole."
"Also, wenn z'Rorschach wörkli en Schatz suechsch, denn gosch am Beschte is Kulturlokal Mariaberg. Bisch denn eifach erscht dä viert, wo döt innerhalb vomene Johr dä Tresor chlaut. Schriebsch eifach no es liebs Briefli, äs täg dir leid und denn dörfsch grad nomel bebii. Aber muesch prässiere. Dä Räbsame wött döt ä Flüschter-Seusel-Säg-nüt-Beiz iirichte. Wieso macht er nöd grad ä Ostschwiizer-Tagblatt-Lounge? So mitem Stadtradaktor Bichsel als Barkeeper. Die Beiz wär es richtige immaterielle Schatz. d'Lüt schlofed bim Rorschacherteil ii und Rueh isch. So ä immaterielli Vollnarkose.
Aber z'Rorschach häsch jo eh mengmol s'Gfühl, die ganz Bevölkerig seg innere Vollnarkose. s'öffentlichi Läbe schnarchled. Pffuus guet, chlini Stadt. Egal, was passiert. No Herzbluet for the City."
"Klar keeni d'Lokalpolitiker. Üsi Stadtröt mached jetzt alles, um dörfe anonym z'bliibe. Guet, stimmt so nöd. Git ä Uusnahm. Dä Ronnie Ambaue macht jo jetzt ä Charmeoffensive. Jo, da hockt jetzt is Schaufenschter vom Swisscomshop."
Cliquenfasnacht 2011: Staatsbeamter Fögeli
"jo de müller het de ustritt geh
jetz isch er bi de svp
jo jetz isch sin körper au debi
mit em chopf isch er jo scho lang döt gsi.
de find doch au die minaret
die seged denn scho gar nöd nett
jo er hät ebe lieber hald
di eigne türm im städtliwand."
"Im mai do wird de reinhold würth
vom c.f.stürm zum priesträger kürt
dä isch deen, jo do verrecki
de zweit nochem jörg korecki
wo cha fören schöne bau am see
50'000 Schtützli entgägeneh.
jo me hofft wenn ma de reini täg fuettere
denn bieb er mit sine schruube und muettere
länger als dä jörg, wo chum het ers geld im sack
verschwunde isch mit sack und pack
me het es sither nüme gseh
im neue restaurant am see.
denn wenn denn jetzt das mit em würth au so goht
und er denn rorschach au so schnäll verloht
denn fähled de stadt denn scho es paar fränkli
und am see schtünd denn wieder es paar bänkli
s'gängt rorschach denn grad wie griecheland
kei geld me und es bauruine am strand."
Cliquenfasnacht 2011: Chantals Schwester
"Als de Aagstellti vom Benedikt P. Ratzinger, Rorschachs Pfarrer Eigemaa, dä loot im Früehlig da frisch putzti Pfarreibötli immer mitemene chline schrischtliche Feschtakt uf de See. Damol isches recht überbordet zu und her gange, Chopf voraa isch er isr Wasser, mitsamt de Chleider, em Portemonaie und sim Handy.
Es heisst doch, i de Not söll me de Herrgott aarüefe, da goht aber bim Eigemaa nöd, well sis Handy statt emene Klingelton en Gurgeltn gha hätt. Und übers Wasser laufe, so wiä de Jesus, hätt dä Eigenmaa au nöd chönne - für da müesst er wüsse, wo d'Pföschte sind. Drum gits ä neue Buureregle: Goht im Früehlig s'Boot ist Wasser - wird esem Egemaa en Nasser."
"Fascht scho kriminell isch s'Verhältnis vom Vetsch und es Stadtrot gsi. De Vetsch hätt nämli kei Betriebsbewilligung übercho, dewiel wär das es idyllisches Gäschtehuus am See gsi, mit sozialem Nutze. Ganz guet gheizt, so dass d'Bewohnerinnen immer heiss hend und a dä Chleider sparä chönd.
Dä Stadtrot hätt kei Bewilligung geh, er wölli keis Puff im Zentrum. Sonen Widerspruch, meh Puff als wiä dä mit de Parkplätz chamer jo gar nöd ha. Und diä Plätz usserhalb vom Zentrum sind i dem Dreckloch Rorschach nöd staubfrei, au nöd für dä säb Schrieberling usem Rorschacherberg. Do mueni scho Ernst-haftend säge: Liäber en staubige Platz am See als es dräckiges Buurewaid-Gschäft am Berg."
Abonnieren
Posts (Atom)
