Prachtsaufnahme!

Diese wunderbare Aufnahme gelang Cyrill Schlauri am letzten Samstag vom Rorschacherberg aus. Mehr Bilder (vor allem wunderbare Stimmungsbilder vom Bodensee) findet man auf seiner Homepage  >>  www.fotorausch.ch

2. Liga-Teams an der Spitze

Die beiden ersten Mannschaften des HC Goldach-Rorschach grüssen seit diesem Wochenende beide von der Tabellenspitze. Bei den Herren war dazu ein Sieg gegen den bisherigen Lieder HC Rover Wittenbach nötig. Mit 23:19 gelang den Herren nach zwei Unentschieden endlich wieder ein Sieg. Aber den Herren steht am nächsten Samstag wieder ein Spitzenspiel bevor. Um 18.45 Uhr empfangen sie in der Wartegghalle Goldach das mittlerweile zweitplatzierte Wil.

Müll (R) Teil 2

1.    Ständerot (Spezial-Basler)                                                          

Du machsch än Bsuech im Bundeshus und muesch denn no a bitz gradus,

denn ghörsch die Schtänderöt – en riesegrosse  Meis.

Du hocksch döt obe und luegsch abe, gsesch die Dame und die Knabe,

d‘Händ sind dobe, d’Händ sind dunn – dir schmerzt dä Schteiss.

Ganz vorne schtönd drü alti Gselle, zelled wild und schriebed uf:

Zum füfte Mol scho gopfedelli goht die Zellerei nöd uf!

2.    Bundesrot                                                                                          

Ende Johr mit viel Bohei                                                                   

     chunt s‘ bundesrätlich Konterfei.

Sit Johre scho, so grau und dumpf,

z‘mitzt inne d‘ Evi Widmer Schlumpf.

Wenn sie ihri Hoor dupiert,

meinsch dä Fön seg explodiert.

Wieso verordnet nöd es Gricht

för söttig Hoor ä Burkapflicht?!

3.    Dollendeckel                                                                                        

Noch em tragische Ablebe vomene Hund in Altstätte,

hät me en erhöhts Verkehrsufkomme vo Priester uf Dolledeckel festgstellt.

Me seit, sie erhoffed sich dött kein Wink vo obe, sondern es Stössli vo unne.

4.    Namensgebung

Es git ä ganz neus Namesgsetz,                                                   

     me weiss nöd gnau wieso.

Än jede loht sin Name jetz

au noch de Hochzyt stoh. 

D’Frau Litenegger Oberholzer                                                           

     Isch natirlig froh

Sie hät vo dr lange Underschrift

Ä Tennisarm becho. 

D’Simon Niggli wär als Lueder                                                       

     Uf em erschte Platz.

Und ohni Meier wär d’Lukrezia

Entlech wieder en Schatz! 

D’ Melchsee Frutt heisst nu no Frutt                                                

     De Pappe nun no Stil

D’ Eveline stumpf nu Schlumpf

De Villiger nu Kiel 

Es git ä ganz neus Namensgsetz,                                                  

     me weiss nöd gnau wieso.

Än jede heisst jetzt undrem Strich

wie vor em Bindestrich. 

Und d’Rosy nu no Bättig!      

                                                             

5.    Abschaffungsinitiative zur Usschaffigs-Umsetzigsinitiative. 

Zur Unterschriftenbeschaffig för än Abschaffigsinitiative zur Usschaffigs-Umsetzigsinitiative schaffed schaffigi Schafhuser Abschaffigsinitiante anschinend Underschrifte a

6.    Depardieu

Em Depardieu dem lupfts dä Huet, haut’s ab mit Sack und Chole       

Dä Francois schockt’s enorm er cha sich kum devo erhole

Jetz isch dä Gerard heimatlos doch nur minim z’verbarme

Er wörft sich kurz entschlosse grad em Wladimir i’d Arme. 

Im Russeriich do bräselets, wo führt echt da no hii?

Sie kämpfed gäge d'Diktatur und für d'Demokratie.

Und die Entwicklig isch für üs natürli genial,

mer holed üs de Putin - und beschtüüred en pauschal.

7.    Sparmanie

Liisch im Schprudelbad am Schtrudel                                             

     I de Luft  dezent Gedudel.

Plötzlich schtill – schtockdunkli Nacht

Kein Sprudel meh – us diä Pracht. 

Au i de Sauna Kampf und Chrampf

hocksch bare Füdle ohni Dampf.

Will‘s am füfi d’Schalter dreiet

Und dia Lüt denn usegheiet. 

Es liidet doch scho a Manie

S‘ Bundesamt für Energie: 

Kei Lichterglanz a Wienacht meh,                                                    

     d‘Schaufenschter schwarz – chasch nüt meh gseh! 

Demnächscht wird wohl au befohle:

Kei Kremierig, s’brucht z’vil Chole.

Si gheiet di i d’Tüfchüeltrue

Nämmet di denn schpöter ue.

Und schüttled di no mörderisch

Bis denn nuno Pulver bisch.

Am Schluss denn – das isch s‘Résumé

Chunsch id’Büchs als Nescafé.

8.    Lüchinger

Fascht a d‘ Wand ue händs en gnaglet,                                          

     vo Leserbrief hät’s nuno ghaglet.

Nöd de Mohammed hät er grichtet,

dä Lüchinger hät über d’Lehrer brichtet!

9.    Always look on the bright side

Uf em Zebrastreife                                                                               

     streift mi fascht en Reife,

do fahrt mer plötzlech en Gedanke ii:

i ha no niene gschribe,

wo mini Hinderblibne

mit mine Überreschte sölled hi!

Always look on the ...                                                               

Willsch lieber under d’Erde                                                                

     oder Aesche werde?

Da muesch hüt alles regle bim Notar.

Nimmsch d’Niere mit i d’Chischte

oder uf e Spenderlischte,

för jedes Teil muesch e Verfüegig ha.

Always look on the ...                                                                 

Oder wötsch vor em Verende                                                     

     no chli Same spende,

prüef denn guet, wievil und wem dä gisch.

Dem Handel chasch nöd traue,

da gseht me bi de Saue:

Au dütschi Ebersome sind nöd frisch.

Always look on the ...                                                                 

Und denn chunt no dezue,                                                                

dass vor de letschte Rue

din Stutz gerecht verteilsch, susch git’s no Strit!

Jo gopf, da chönnt eim s´Sterbe

schlussendlich no vederbe

i glaub, i warte no e chli demit.

Always look on the ...                                                              

10. Schmid-Wurst

Hey, Schmid! Häsch dä Kassesturz gseh?

Isch mir Wurscht!

11. Beizen in Rorschach (Melodie Caprifischer)

Wenn im Marabu s’roti Lämpli s’letschtmol blinkt                      

     und au d‘Handorgle-Trudi s’letscht Mol e Liedli singt.

Wenn’s im Seereschti nöd nur us dä Schissi stinkt

und de Beizer us de Konkursmasse use winkt.

Wenn ganz langsam in Rorschach Beiz um Beiz verschwindt,

und me kum me en Örtli zum zäme usgoh findt,

denn züchi us, i zügle weg noch Diepoldsau

und zur Not, tät’s Goldach au.

Es isch nüme bella, ma vie

s‘ Lebe do isch nüme so wie‘s sött si,

es isch nüme bella ma vie,

wo söll i hi?                                                           

Flasche leer, Kafi fertig! 

12. Putzete

Am Herrliberg, bim Chris  dähei                                                        

     Do plaudert de Hermann Lei

Er git em es  Papier i d‘ Hand

Und scho putzt’s dä Hildebrand.                                                        

Wiit äweg – z’Amerika                                                                         

     Möchte me au me Stürgeld ha.

Do plaudert plötzli  so en Schummler

Und scho putzt’s dä Koni Hummler.                                                  

Churz vor dä Wahl in Bundesrot                                                       

     Plaudert eine ziemli schpot

Do goht’s denn rupp und ruppiger

Und scho putzt’s dä  Zuppiger.                                                           

Im Keller a dä  Uni Züri                                                                       

     Ligget Chnöchli alt und türi.

Dä Staub, dä macht denn Sörgeli

Und scho putzt’s dä Mörgeli.                                                               

Dä Blatter Sepp isch andersch gstrickt                                         

     keine schummlet derart gschickt.

Trotz all Skandäl wird er nöd gschtutzt  : 

Dä putzt’s erscht wenn’s en würkli putzt!                                           

13. Vazer-Abgang mit Gangnam-Style

Dä Donnischtig isch recht schmutzig gsi,                                 

     me bringt en kum me suber.

Am Mittwoch chasch es glatt vergässä,

denn wird die Äsche gfresse.

Die (R)an(d)ständigen Teil 2

I bi i kam Botscha Klub 

Neulich im Schiltä Sexi – do hends völlig anänand vobiegschnorrät! Frog dä aint em anderä: „Bisch du nöd im Botscha Klub?“ Do sait dä ander: „Nei, i bi i kam Botscha Club!“ Dodruf abä sait doch tatsächlich än Drittä: „Z’Rorschach häts kein Kambodscha-Klub – numä än Vietnamesä-Klub!“ 

Kornhausbrauerei 

Philipp Fankhuuser, Toni Vescoli, Züri Wescht, Saimen Lenz wo brennts – i dä Chornhuusbrauerei schpieled äfang die ganz grosse Stare! Dass dä Vescoli vom unfiltrierte Pier nöd dä Schiesser überchunnt, hät er nume Mineral gsoffe us em Schtangäglas! D’Chefe vo dä Kornhuusbrauerei, die zwei igwanderetä ‚potz heitere Chüderchübu – war heit dihr gseit Berner‘ wönd immer der Füfer und s’Weggli ha! Zum grosse Abschied vom TKP Produktionsleiter vo dä Frisco hends kei gschlosseni Gsellschaft chöne machä – nei, d’Allgemeinheit hät me au no müesä ine loh. Bi öpä 200 Dezibel & öpä 10 Mol wiederholt weiss däfür etz au jede normal Braui-Gast, wa dä Andreas Benz für en Siebesiech gsi isch und wieviel mol und wo überall dä id Hose gschissä hät! Aber schö, dass Rorschach doch wieder sis eigä lokali Pier hät, braut noch em Berner Reinheitsgebot ‚gut Ding will Weil haben‘! Aber öpä eim schlägi da Pier au gröber ufs Mägli, uf Darmflora und ufs Rosettli! Viva Kornhuusbräu! 

Refrain De Doo Doo Doo, De Da Da Da… 

Bim Alexander Kleger…

Chum do, chasch wieder mol hebä, du ehemaligä Note- und süsstigä Schtänder vo dä Schatzsuecherin und Stadtfüggsin! Än Bietrag us dä Soziologie: Än Verhaltensforscher hät ämol usegfunde, dass da s’Normbild isch, wo me a dä Seepromenadä atrifft: Dä Maa, d’Frau, dä Hund – genau i dem Verhältnis! Än signifikantä statistische Usriesser isch dä Alexander Kleger, bi dem gsiehts äso us (Plakat 2): Dä Maa, dä Hund, d’Frau! Denn hät dä Typ au no öpis vozellt vom Wandel, wo d’Cécile Kleger gmacht hät (Plakat 3) döt bin i aber nöd recht drus cho, do müneder eu etz selber en Reim druf machä! Und vom Ferdi Kleger gsehmer etz glaub gschieder ab – dä schnorrät süss scho gnueg dri! 

D’Sandskulpture 

Än neuä Künstler am Sandskulpture Feschtival??? Uf FM1 häts letscht Summer gheissä: „Mir schaltäd etz uf Rorschach as Sandskulpture Feschtival zum Herr KELLER, em Organisator!“ Nei, nei – isch numä än Versprecher gsie, im wiessä Underliebli schteckt immer no dä Ursli KOLLER. Selber amä so bru, dass er sich kuum underscheidät vo denä Sandhüfä döt am See – muesch amä grad recht luegä, öb dä nöd au us Sand seg! Ä dütsches Tourischtä-Päärli hät ämol gfrogät, öbs denn kei Tier din hegi i dem Zoo-Gheg (=Gehege)! 

Übrigens, waisch wa heisst Sandskulpture uf Jugoslawisch, hä? Sänd-Witsch! 

Refrain De Doo Doo Doo, De Da Da Da… 

Dä Quickie mit dem Leisi 

Jä so, do innä simmer etz natürlich nöd im Mariaberg, drum goht da etz nöd – jä nu, dennmüemer do etz halt ächli improvisierä! D’Beizer vom Mariaberg haissäd Leisi – chönntisch du echt bitte mol ganz churz  füre cho und d’Frau Leisi schpilä? Muesch kei Angscht ha, s’tuet nöd weh! Aso, du wärsch etz d’Frau Leisi, Chefin vom Mariaberg und Frau vom Herr Leisi, Chef vom Mariaberg:

Eine han i no – ganz speziell für eu do inne (Mariaberg!) Wo isch d’Chefin Claudia? Chumm bitte mol do anä! Näbscht Chaschperliplattä glosät, han i als Goof au immer gern Werbeschpots glueget! Einä dävo isch mir bsunders bliebe: ‚Ä Frau wie du, wo dä ganz Tag chrampfät und vom Morgä früehbis zobig schpot mus uf dä Bei sie – nei Sie, machäd sie zwüschädürä au ämol än Quickie mit em Leisi!‘ 

Wenn’s ämol brennt im Stadtwald… 

D’Füürwehr hät jo au scho öpä än Üebig gmacht i denä zwo Waldhüttene im Stadtwald obä! Aber schiens chöneds Persone-Rettige nur bis in nünte Stock ufä machä! ‚Scho no blöd!‘ – wür dä Polderi vo dä Chaschperliplattä säga! Wa machäd denn die, wo wieter obä wohnäd?Wohrschinli gönd die direkt über dä neu Highway Autobahnzuebringer weg oder süss wartäds halt – schpöteschens a dä Barrierä unä müesstäds jo ohnehin wartä! Oder viellicht gits au ämol no än Invalidä-Lift vom Stadtwald id Badhütte. Alli selber tschuld, die wo döt obä wohnäd – i wött nöd, i müesst!Jo – i au nöd, du! Stell der ämol vor, da Puff wo da döt obä git, wenns ämol alli Bewohner müend ejakuliere, oder wie da heisst! 

Refrain De Doo Doo Doo, De Da Da Da… 

Dä Herr Niederer und s’Marabu 

Ihr sind doch alläs illegali Iwanderer do innä – oder hend ihr dä Mietvertrag, dä Heimatschie und dä Usländeruswies öpä scho hinderlait bim iwohneramt Rorschach, hä? Bim Herr Niederer, wo jo numä chli meh als 50 Johr s’Kafi Niederer a dä Hauptstross gfüehrt und au döt obäninnä gwohnt hät, hends glob gmaint, dä wohni bi denä dunkel agmoletä Taschä- und Ladädiebä i dä Landegg obä! Innerhalb vo 14 Täg hät er mit all sinä Papier müessä asuugä uf dä Stadtkanzlei! Etz hät aber alles sini Ornig und dä Herr Niederer isch registriert als neu zuezogenä Rorschacher. Wohrschinli chunnt er denn im Früehlig au no än iladig über für ad Jungbürger-Fier! Übrigens han i ghört, dass usem Kafi Niederer etz ä Rotisserie werdi – gfüehrt vom René Marabu!Wa isch etz da wieder Siechs, ä Rotisserie?Ä Beiz, wos guets Fleisch vom Grill gäb! Aber hoffentli isch denn s’Fleisch döt innä amä nöd so schwarz und zäch wie jetzt im Marabu! 

Schluss 

Hey, mir müend etz goh, süss chömemer no z’schpot – mir müend nämli no für dä europäisch Randständige-Kongress z’Sponsore-Verträg mit Erat, Thoma & Partner go ushandle! 

De Doo Doo Doo, De Da Da Da – dä Stapi isch en guete Maa!

De Doo Doo Doo, De Da Da Da – etz müend mir en Caipirinha ha! 

Liebi Rorschacherinne und Rorschacher,

liebi fremdä Fötzelinne und fremdä Fötzel

die (R)an(d)ständigä dankäd eu – tschau zämä!

C. Bleichi Teil 2

Stadtrotswahle

Apropos. Zum Thema Stadtrotswahle han i ime Kurs vo dä Volkshochschuel „Emotional Dichten im Alltag“ äs Versli brünzlet 

In Rorschach sind die Wahlen.

Abgerechnet wird in Zahlen:

Etterlin und der Müller -

das ist der grosse Knüller -

sind auf dem gleichen Zettel drauf.

Man wählt sie im gleichen Schnauf.

Willst nur einen von den beiden

musst den andern aben schneiden. 

Doch das Ganze ist dumm gelaufen,

sollen sie im Rathaus noch mehr Apéro saufen.

Die Wahlzettel liegen nicht im Couvert

so stimmt das Resultat nur ungefähr.

Die Zahlen sind nun also beschönigt

Scheissegal, Rorschach wählt sowieso seinen selbsternannten König. 

Peter Fuchs

Wer isch es enart gsi? Händ Ihr Eu au scho gfroget, wer jetzt da gsi isch?

Irgendöpper muess jo da gsi si! Und das ohni ei Wort z’säge! Mer hät nöd chönne mit dem Aaschlag rechne. Ei Stimm Unterschied. Guet weisch zwor nie, öb’s z’Rorschach d’Stimmezähler gliich guet zähled wie die im Ständerot.

Wer isch dä gsi, wo am Schluss bi dä Stadtrotwahle für dä Stefan Meier gstumme hät und nöd für dä Peter Fuchs? Dä, wo da gsi isch, söll’s jetzt bitte zuegeh. Guet vielleicht zähled die im Rothuus d’Stimme au öppe so gnau wie im Ständerot.

I ha denn denkt, s’Tagblatt würdi dä Peter Fuchs und sin Leischtigsnochwiis scho würdige. Aber nei Sie! Die händ au kei Idee gha und eifach nüt gschriibe. Drum möcht I das jetzt offiziell nohole und zeig Eu äs Plakat mit Sache wo’s z’Rorschach nume Dank am Peter Fuchs git! Er hät eim halt nöd sooo viel zrugg geh. 

I überlegge mir, ob i söll sini Biographie schriibe. I dä Volkshochschuel git’s en Kurs „Biographie schreiben nicht nur für Junge“.  I ha au scho am Titel umestudiert: 

Ich habe in Rorschach etwas bewegt: die Glocke des Jakobbrunnens

Peter Fuchs - Wer war das?

Ein schlauer Fuchs – niemand hat ihn bemerkt!

Peter Fuchs - Spurlos verschwunden

Ein Zettelchen zu viel! 

Soziali Wahle

Rorschach hät jo no nie sooo sozial gwählt wie im letschte Johr. Jo dä Stefan Meier. Er isch jo en Liebe. Gell, dä macht nüt, dä wött nu spiele. Dä Stefan Meier isch dä liebscht Stadtrot ever. Dä hät jo als Präsident vo dä Gschäftsprüefiskommission – also zum’s i dä Wort vom Stadtpräsident z’säge dä Obergartezwerg i dä Trachtegruppe - nöd emol gmerkt, dass d’GPK mit em Stadtpräsident so riesigi Lämpe gha hät, dass wege dem d’Hälfti vo dä Kommission früehziitig dävo glatschet isch.

Total sozial isch au d’Wahl in Schuelrot gsi. Döt hät mer en Randständige gwählt.

Und aus is Kreisgricht hät mer sozial gwählt. Mit dä Nicole Christen hät mer ä Kreisrichteri gwählt, wo als erschti Amtshandlig ihrem Chind s’Läbe gschenkt hät. Jo, jo. Die Chind, gänd eim halt sooo viel zrugg. 

Rorschach in 76 Beizen

Gell, als Götti muess i jetzt ab und zue d’Goofe hüete. Jojo. Ihr gänd eim jo sooo viel zrugg. So en Schissdreck, gell Jelica, jojo! So en Hüetiobig heisst denn: No Beiz – Chris! Aber zum mi tröschte, han ich für dä Tschöstin und dä Jelica äs Guetnachtgschichtli gschriibe. I ha das glernt im Kurs a dä Volkshochschuel: „Gutenachtgeschichtenschreiben mit dem Flügelschlag eines Schmetterlings“. Das Gschichtli möchte i Eu jetzt vorlese. I hoff aber, Ihr schlofed nöd ii.

Dä Titel isch: Badhütte dich am Löwengarten 

Willhelm Tell setzt sich auf den Rand des Jakobsbrunnens und schaut dem Glöckner im Brunnenhäuschen zu. Dieser ist etwas Ambauen und schlägt danach die Glocke. Tell wartet: "Durch diese Neugasse muss er kommen." Und tatsächlich sieht er seinen Freund Mozart daher fuchsschwanzen.

"Badhütte dich am Löwengarten, Du Habsburger! Begrüsst Tell Mozart scherzhaft. "Friedau sei mit dir!" ruft ihm dieser mit Wiener Schmäh zu. "Was hascht Du machen La Vela?" fragt Tell.

"Lass uns zum Kornhaus bräunen gehn", schlägt Mozart vor. Es ist nachfüllbar, dass es den beiden an der Windegge gefällt. Als sie dort, wo die Schatzsucher landhausen, die Hauptstrasse überqueren möchten, hören sie ein Signal. Schnell, Tell! Und sie, sehen wie sich die Bahnschranker schliessen. Rhätiarhätiarhätia rattert der Tran vorbei. „Biereweich laut diese Gütermetro!“ poltert Mozart und drückt sich aus Angst vor einem ständigen Pfeifton, einem so genannten Tiramisu, die Finger in die Ohren.  „Ja, die Seelinie ist sicher viel lauter als früher, als es hier nur Rössli gab“, bestätigt Tell pöschtliwendend.

Sie setzen sich wie zwei alternde Gemelli ans Freieck und seeblicken relaxed. Tell strecke seinen Marabuuch in die Sonnenhalde, rheinfelsenfest überzeugt, er würde auch im Heliosalter noch jeder Venus bare Lusitano bereiten, wie damals in seiner und Evelyns Pubertät. Ihr pflückte er einmal einen Rosenberg.

„Wie im Paradiesli, welch Idyll“, schwärmt Tell.

„Ja, wunderbar!“ flötet Mozart. „Es is hir schen,  quelle bellevue?“

„Musst jetzt wieder mit deinem Französisch buffet“, angehrnt sich Tell.

Just in dem Moment comunidad El Cid white stoned um die Ecke.

„Tschapaun zämä“, begrüsst er die beiden. Diese schauen ihn wie zwei Ochsen vor dem Schlachthof an. El Cid ist so braun gebrannt wie ein Negropont.

„Auf wen warteggt ihr hier, so ohne Cappuccino oder Campari on the Rocks? Kommt ihr mit a casa mia?“ fragt der Spanier und schielte sexy auf die beiden runter.

„Nein, wartensee, wir geniessen die Sonnen hoffentlich bleibt sie so hoch und sinkt nicht Niederer. Wir fühlen uns wie zwei Englers am See.

Tell schaut Richtung die Schweizer hoffnungsvolle Kleinstadt. Rorschach stand einst vor der Taormina-Schlucht. Jetzt ist es so, dass die Rorschacher hoffen, sie seien über dem Mariaberg.

„Dort werden sie die Hauptstrasse umgestalten, weiter vorne verkehrt die Elite und gegenüber dem Bahnhof bauen sie das neue Goldene Fass der Region. Dabei schlug AddaAdda noch vor ein paar Jahren die Einführung eines Stadthofnarren vor. Kandidaten gäbe es wie Sandskulpturen an der Baja Beach eventuell noch mehr.“

„Schatzsucher, Stadthofnarren? Mamma mia, was sind das für Capriolen! Toggenburgen die hier richtig, oder haben sie alle nicht alle Schwalben im Schrank?“ fragt Mozart.

Dann wird es wieder ruhig, bis Tell in den Hosensack greift und auf Münz hoft, denn er hat  Lust auf ein Marktplätzli an einem Rahmsöseli. „Lass uns gehen!“.  Dann stehen die tres Amigos auf und man sieht sie, wie sie weg vom Kornhausstuben. 

Happyend.

So, jetzt mach i do Schluss! Gell, i würd jo jetzt gärn is Relax go Girls ab dä Stangä go aaluege. Aber hüt gohn i halt in Spotschoppe oder besser spot mit em Schöppeli. Chom Jessica mir fahred hei!