Mörgeli wird Ehrenbürger von
Rorschacherberg:
Jenny: Holzbei, heb d‘Schnöre oder i vergifte dir dä Papagei, oder was da
viech do sii sött... A propos Holzbei, hesch gwüsst, dass de Mörgeli Ehrebürger
vom Rorschacherberg wird?
Jack: nei, ....jetz chunnt si scho wiedr mit demm....
Jenny: ja, will alli fuule
Planigs-Bauliiche vom Seeuferweg bis uf de Pureweid under Denkmolschutz
gschtellt werded, do bruchets jetzt en guete Kurator.
Die neue Raiffeisenbank neben
der Kolumbanskirche:
Jack: Liiche und en politisch Tote, das passt. D Riibiiise muess er aber nid
kuratiere, äh nei, d Raifiise meini, s andere bisch ja du. De Bau vo dere Bank
isch ja zum Glück öppis vom Wenige, wo d Bezeichnig neuziitlich verdient.
Jennys Raiffeisen-Litanei,
von der Kolumbans-App heruntergeladen:
.. In anno Domini nostri duo milia et tredecim decernit Banca
Raiffeisia
ad componendos postero ad ecclesiam.
Causa est gopfridstutznomol in Staad häts kei Platz me gha
Hoc est cur palatia Velo Giger futschicato Loch hends grüblet
Pauperes Rorschach habet novum pecunia palatium
Oh, Banca Raiffeisia, heissesch immerno Rorschacherberg-Thal zmitts in
Rorschach und das isch saudumm!
Jack: Amen. Wenigschtens muess niemer werweise, ob die Schtüüre zahled.
Jenny: Du meinsch Chilestüür? die hend doch es Spezialabkomme mit de
Kolumbanspfarrei! D‘Minischtrante lerned scho flissig e neui Messornig- nochem
Credo Rock ufe...... nei nöd da wod du jetz wider meinsch.... und denn ab wie
de Tüüfel mitem Opferchörbli an Schalter.
Jack: Gar nid gwüsst, dass d Raiffiise au Hosechnöpf aanimmt...
Jenny: Die? die sind so froh, dass sie zmitts i de Stadt chönnd si! Wa aber
de Bankdirekter Eberhard nöd weiss, dass de Tobler und en Gheimgang baut hend vo de neue Bank in
Chilecheller. Und wer trifsch, wennd döt dürelaufsch? Nei, nöd d‘Rorschacher
CVP im Winterschlof, sondern de Tobler und d‘ Chileverwaltig bim Messwii!
Das informelle Verbot von Bordellen in Rorschach (Gruss von Schorsch):
Jack: Dasch mer jetzt echli z abghobe kommunal. Chömmer zum Uuusglich echli
über d Verrichtigsboxe im Strasseschtrich vo Züri schwafle?Also nid öppe, well
i det es Iiise im Füür het...
Jenny: (rappt) Jo gsehsch. Anderi Städt, anderi Sitte... au bi dä Sitte. Mier
TÖRFET nüme wüsse, wanen Rotliechtbezirk isch. De Seelos häts verbotte. Da
weiss au de Scheff vom Marabu, de macht jetzt eine uf seriös.
In Züri mönd d‘Nutte
is Böxli mit Blutte
und Z‘Rorschach heissts anstatt Titte und ficke
tuet de Marabu-Män lieber s‘Kafi Niederer flicke....
Der Stadtwald und die Schatzsucher:
Jenny: Äfft wieder Jack nach: „Liebe Mobiliar, ich bin meiner Freundin nach
Rorschach nachgezügelt. Hier stehe ich dauernd an einer Barriere und weiss
nicht mehr weiter“....
Jack: Schtimmt, woni ghört han, i dere uufschtrebende Weltstadt heigs e huufe
geili Schiene, hani mer eigentli öppis anders vorgschtellt.
Jenny: Tja, gell und wod häsch wöle im Stadtwald en Baum fälle für en neue
Mascht, hesch no blöder glueget, wos kein gha het.
Jack: Ah, das isch denn äbe en immaterielle Schatz, gell. Da bisch du ja
schpezialischtin. Wie bi de maschte.
Jenny: Jo, vorallem mit eim uf Halbmascht, du Liechtmatros! A propos:
D‘Schatzsuecher sind imfall mini Nochbere gsi, im Anker. Also wärets, wenns
emol do gsi wäred. Aber Camenzind het all es Theater am Hals und de
Bibliothekar Lehner macht jetz denn im Treppegiebelhus eine uf Nobel-
Büecherwurm. Aber alles vöölig entspannt (Wird immer langsamer im Sprechen).
Das neue Würth-Gebäude und
die „Verkehrsberuhigung“:
Jack: Eso lamaschig, wie jetzt grad quasslisch, würdisch guet id 20er-Zone
vor em Würth-Huus passe. Muesch aber uufpasse, well det au d Schii-Nati ab dere
Saison ihres Trainingsgebiet häd...
Kabinensound im neuen Stadtlift-und wieder keine Erotik...
Jack & Jennys Jodellied:
„Sepp, du settsch nid immer Gämseli triiibe,
söttsch der au emal am Schwänzeli riiibe.
Wenn in Rorschach wottsch es sinnlichs freudli ha,
gfindsch du nämli chum en schteile Zah“.
Sepp, wenn tuesch e schnelli nummre sueche
tuesch de ganzi Stadtrot schnell verflueche.
Für die ghört nämli, sisch doch würkli allerhand
die ganz Erotik us de Schtadt verbannt.
Lohnkürzung bei Thomas
Müller:
Jenny: Chasch denn du Note läse?
Jack: Nei, nur Tuusiger, wie de Müller.
Beide singen:
Löhneli chürze, löhneli chürze, tuet em Thomas so weh, jo so weh...
Löhneli chürze, Löhneli chürze lieber hätter no meh.
Aus der Basisstufe und
Impulsschule:
Jack: Chasch denn du Buechstabe läse?
Jenny: Nei, i bin im Rorschacherberg id Schuel, döt lernt mer nur Zoneplän
lese.
(Fängt an zu heulen).
Jack: Und zu dim Elend händs jetz au no d Basisstufe für d Schuele
abgschafft. Ich gseh Rabeschwarz für din Grips.
Jenny singt:
Das isch de Etterlin- Blues,
da isch de Etterlin Blues,
mit dinere BasisStufe isches jetzt halt us.
Au Guido was isch gscheh?
Kei Stutz fürs Lerne - danke SVP
Au wenn du grindsvoraa vor Wuet durchs Roothus seckle chönntsch,
S‘isch alles scheissegal du bisch döt inne immer no de schönscht!
Jack: Mhm... Sex mit dir – hätt er ihn, der Etterlin?
Jenny: Holzbei, es goht nöd immer nur um Sex, HimmelarschundZwirn- und du
schimpfsch immer überd Oschtschwizer Füdlefasnacht. I heisse nöd jenny Stadtrot- Flachleggerin!
Die vergangenen
Stadtratswahlen, der Papagei und die Lerche:
Jack: Die meischte ligged doch au ohni dich flach. Und zudem meinsch jan nid,
ich sig iifersüchtig uf eine wo ähnlich schnapsig heisst wie de Zuger
Etter-Kirsch! Apropos suuufe: Hed öpper
öppis für min Papagei? De muess nämli um d Jenny ume Feder lo wie im Herbscht
de Schtadtrat Fuchs bi de Wahle. Und ich han kei Schutz, um en vom Medikus Mang
verschönere zlo.
Jenny: Din Papagei wär jo au de einzig wo sich anere Schtadtrotsitzig traue
wör, de Schnabel ufzmache. Aber ufpasse, die frech Lerche hends scho
verschosse.
Der Bundespräsident wider Willen:
Jack: Helft den armen vögeln, chan ich da nur säge. Min krächzer chönt
übrigens no en Höheflug vor sich ha: Wenn de Maurer mit em Gripen crasht, hanem
als Ersatz e Klon-Schtaffel Papageie abote...
Jenny: Und er isch als Bundespräsident öppe ne so grau wie de Trischli-Platz.
Döt sprützt wenigschtens no än Brunne, bim Murer nödemol de Brunner.
Schlusslied:
Gute Nacht, Freunde
eus fallt würkli nüt me i
gönd jetz hei mit eusi Sätzli
und vernasched euchi Schätzli
bime gute gläsli Wi.
Gute Nacht, Freunde
bliibed wach i dere Schtadt
tönd immer schön nach ufe bisse
lönd euch nid uf d Nase schiisse
das hämmer nämli ali satt.
